Градоначаникот на Скопје, Коце Трајановски денес вршеше увид во градежните работи за обнова на клозетите во средното школо „Цветан Димов“. Тој ги провери чучавците, кои се откорнати и лавабоата – корита во клозетите, а влезе и во училниците кои се прилагодуваат на потребите на медицинската струка во школото.
„Во ’Цветан Димов’ се реконструираат санитарните јазли и се санираат дефекти на фекалната канализација. Комплетно ќе се реновираат фекалната канализација и санитарните јазли на приземјето и на првиот кат на училиштето“, изјави градоначалникот Трајановски.
Тој кажа дека во тек се градежни активности и реновирање во 16 средни школи, за што Градот одвоил 22.326.063 денари.
Ова е втор увид неделава на градоначалникот Трајановски. Тој во средата направи увид во поставувањето централен систем за греење и за ладење во концертната сала на Младинскиот културен центар.
Коментари