РУНИ ГО ОПОМЕНА ВАРДИ ЗА ОДНЕСУВАЊЕТО НА НЕГОВАТА СОПРУГА РЕБЕКА НА СОЦИЈАЛНИТЕ МРЕЖИ

    РУНИ ГО ОПОМЕНА ВАРДИ ЗА ОДНЕСУВАЊЕТО НА НЕГОВАТА СОПРУГА РЕБЕКА НА СОЦИЈАЛНИТЕ МРЕЖИ

    Капитенот на англиската фудбалска репрезентација Вејн Руни ги посоветувал понеискусните соиграчи и нивните партнерки да ги избегнуваат социјалните мрежи додека трае Европското првенство во Франција, открива „Тајмс“.
    Според англискиот весник, Руни посебно внимание обратил на Џејми Варди, чијашто сопруга Ребека е доста активна на Твитер и на Инстаграм и често влегува во дискусии со навивачите. Стручниот штаб на англиската репрезентација верува дека таквите активности на социјалните мрежи можат да и наштетат на атмосферата во тимот и го ангажираа капитенот Руни да ги опомене играчите.
    Сепак, изгледа дека советите на Руни не вродија со плод, бидејќи денеска Ребека Варди повторно се обрати до сите оние коишто досега го критикуваа нејзиниот сопруг.
    „Се прашувам колкумина од вас што ме/нѐ навредувавте, сега ќе имаат храброст да се извинат? Срамота“, напиша Ребека на Твитер, мислејќи на грозните навреди од навивачите на Лестер по шпекулациите за трансфер на нејзиниот сопруг во Арсенал.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира

    Коментари