СДСМ ќе оди на избори дури кога ќе се исполнат пет услови што ќе гарантираат нивна веродостојност, дознаваме од извори во партијата, по денешните консултации што врвот на СДСМ ги имал и со меѓународни претставници и со политички конкуренти.

„Ние нема да отстапиме од принципите и од тоа во што веруваме. Сега и целиот демократски свет е со нас„, ни изјавија од СДСМ и додавават: „Избори ќе има кога Иванов ќе ја повлече одлуката за аболиција, кога Владата ќе ја поништи одлуката за поништување на сите решенија на министрите на СДСМ Оливер Спасовски и Фросина Ременски и кога ќе се исполнат трите минимум услови за одржување избори – чист избирачки список, запирање на притисоците кон јавната администрација и регулирани медиуми.“