Оливер Арсовски потврди за САКАМДАКАЖАМ.МК дека е разрешен од функцијата директор на Охридско лето.

На прашањето зошто е разрешен среде траење на фестивалот, Арсовски рече дека нема коментар. Тој потврди дека имал инспекција на Министерството за култура.

Веста до сабота на полноќ не беше официјално објавена ниту на веб страницата на Министерството за култура, ниту на страницата на Охридско лето.

Веста за разрешувањето беше објавена од Телевизија Телма, која се повика на „дознавање од извори на установата“. Сопругата на министерот за култура Роберт Алаѓозоски е еден од презентерите на вестите на телевизијата.

Од Министерството за култура неколку дена упорно ги игнорираа прашањата на САКАМДАКАЖАМ.МК околу информациите до кои дојдовме за наводите од инспекцијата.

Оливер Арсовски е директор на Охридско лето од април 2016.