Германија најостро го осуди нападот на Собранието во Скопје во кој беа повредени неколкумина пратеници, вклучувајќи ги лидерите на СДСМ Зоран Заев и на АА Зијадин Села.

„Најостро го осудуваме нападот на парламентот во Скопје!“, објави германското министерство за надворешни работи на Твитер.

Претходно, ЕУ го поздрави изборот на Талат Џафери за претседател на Собранието и најостро го осуди насилството во Собранието, а Американската амбасада најостро го осуди насилството врз пратениците на мнозинството во Собранието, го поздрави изборот на Талат Џафери за спикер и најави дека ќе работи со него заради поддршка на демократијата.