Судскиот совет на денешната седница донесе одлука за одземање на имунитет на судии, беше соопштено попладнево на Судскиот портал. Неофицијално, станува збор за петтемина судии од Управниот суд од обвинението на Специјалното јавно обвинителство за обемниот предмет „Титаник“.

Специјалното јавно обвинителство побарало мерки за нив, ама во истрага. Тие не биле прифатени и за СЈО таа работа е завршена. При поднесување на обвиненијата, не биле побарани мерки за судиите.
Од СЈО велат дека е можно е судијата за оцена на обвинителен акт или судечкиот судија да побарал симнување на имунитет за да се овозможи водење на постапката, бидејќи без тоа би било повреда на постапката.