Скопје вечерва беше погодено од уште еден земјотрес со јачина од 4 степени според Рихтеровата скала во 19.53 часот со епицентар на 5 километри североисточно од центарот на градот на длабочина од 4 километри, објави Европско-Медитаранскиот сеизмолошки центар.

Ова беше трет потрес денеска по оние од 14.19 и 11.50 часот со јачина од 3,7, односно 2,3 степени. Досега, вкупно имаше девет афтершокови по вчерашниот силен земјотрес од 5,2 степени што се случи во 15.10 часот.