БОКСЕРСКИ ЛЕГЕНДИ ОД РЕГИОНОТ НА ПРОСЛАВАТА НА 70 ГОДИНИ ОД ВОЗОБНОВЕНИОТ КЛУБ КУМАНОВО

a:1:{s:9:"td_source";s:49:"Куманово,(САКАМДАКАЖАМ.МК)

    БОКСЕРСКИ ЛЕГЕНДИ ОД РЕГИОНОТ НА ПРОСЛАВАТА НА 70 ГОДИНИ ОД ВОЗОБНОВЕНИОТ КЛУБ КУМАНОВО

    Дваесетина боксерски легенди, освојувачи на олимписки и светски медали од земјава и регионов, викендов ќе престојуваат во Куманово. Причина е прославата на 70-годишнината од формирањето на боксерскиот клуб Куманово, а ја организираат група на кумановски бизнисмени, поранешни боксери и љубители на боксерските вештини

    „Идејата ни беше да се потсетиме на успесите на малку подзаборавените боксерски шампиони и олимпијци, кои дадоа голем придонес во развојот на светскиот и кумановски бокс. Истовремено и да го прославиме големиот јубилеј, но и да означиме почеток на обновување на боксеркиот клуб Куманово. Оваа идеја ја реализираат луѓе, вљубеници во боксот, кои сакаат Куманово повторно да стане она што беше во 70-те и 80-те години на минатиот век, кога нашиот клуб беше во првата југословенска лига и редеше светски успеси“, – вели Светислав Стојановски, иницијатор и претседател на одборот за прослава и обновување на клубот.

    Прославата ќе се одржи во недела во 20 часот во ресторан „Лав“ во Куманово, а гостите пристигнуваат денеска. Предвидено е дводневно дружење и одржување на ревијален боксерски меч, а ќе бидат доделени благодарници и признанија на сите учесници и гости.

    Покрај домаќините Аце Русевски, освојувач на бронзениот медал на Олимписките игри 1976 година во Монтреал и Реџеп Реџеповски, сребрениот медалист на Олимпијадата во Лос Аџелес 1984 година, на прославата ќе дојдат и Анте Јосифовиќ, Тадија Качар, Миодраг Перуновиќ, Братислав Ристиќ, Дамир Шкаро, Мирко Бузовиќ, Перо Тадиќ, Пламен Јанков, Серафим Тодоров, Петар Лесов и др.

    Според организаторите, боксерскиот клуб Куманово ќе го водат кумановските олимпијци Реџеповски и Русевски, кои ќе тренираат екипа на млади боксери за државните и светски натпревари .
    САКАМДАКАЖАМ.МК, за време на олимпијадата во Рио пишуваше за боксерот Реџеп Реџеповски, кој се пожали дека олимпијците се заборавени од државата и не можат своето искуство да го пренесат на младите, па затоа Македонија не може да стане спортска нација. Кратко потоа бизнисмени од градот се одлучија да го заживејат боксот во градот.

    МАКЕДОНИЈА ГИ ЗАБОРАВИ СТАРИТЕ ШАМПИОНИ, А НЕ ЗНАЕ ДА СОЗДАДЕ НОВИ, ВЕЛИ ОЛИМПИСКИОТ МЕДАЛИСТ РЕЏЕПОВСКИ

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира