Трите пехари на УЕФА денеска се најголема атракција на фан зоната на скопскиот плоштад за Суперкупот меѓу Манчестер Јунајтед и Реал Мадрид. И покрај жешкото време, на плоштадот се направи редица од навивачи, кои чекаат да се фотографираат со пехарите од Лигата на шампиони, Лига Европа и Суперкупот.

Покрај неутралната фан зона на плоштадот Македонија, во центарот на Скопје има уште две фан зони. На плоштадот „Филип Втори“ е фан зоната за навивачите на Реал Мадрид, а на платото кај спомен-куќата на Мајка Тереза е фан зоната  за навивачите на Манчестер Јунајтед.