Оскаровецот Мајкл Мур изненади со нов документарец, „Мајкл Мур во Трампленд“, кој излегува денеска во кината низ САД. Авторот на „Игра за Колумбајн“ и „Фаренхајт 9/11“, го сними новиот филм според монодрамата што планирал да ја игра во театарот Мидланд во Нуарк, Охајо, но планот пропаднал и настанал конфликт меѓу Мур и менаџерот. Мур на Фејсбук објави дека ќе ја игра во друг театар.
Веста за новиот филм „Мајкл Мур во Трампленд“ тој ја објави ненадејно на Твитер синоќа, пред бесплатната проекција во Њујорк, а од денеска филмот ќе игра и во Лос Анџелес.
