Доналд Трамп се најде на чекор до Белата куќа, откако оствaри клучни победи над Хилари Клинтон во Флорида, Охајо и Северна Каролина на изборите за американски претседател. Републиканскиот кандидат, исто така, изненадувачки ја освои Пенсилванија, нешто што не му успеало на ниту еден републикански кандидат од 1988 година.

Со победите во овие држави, Клинтон веќе речиси нема пат до победа во малкуте држави, во кои се уште трае пребројувањето на гласовите. За победа се потребни 270 изборни гласови, а Трамп има 266, наспроти 218-те на Клинтон.