ЗЕМЈОТРЕСОТ ВО ИТАЛИЈА ЈА СМЕНИ ФИЗИОНОМИЈАТА НА ТЕРЕНОТ

a:1:{s:9:"td_source";s:33:"Рим,(разниизвори)

    ЗЕМЈОТРЕСОТ ВО ИТАЛИЈА ЈА СМЕНИ ФИЗИОНОМИЈАТА НА ТЕРЕНОТ

    Земјотресот во централна Италија ја смени физиономијата на теренот толку што нивото на почвата во Акумоли е намалено за 20 сантиметри, објави тамошниот институт за земјотресно инженерство и вулканологија. До сега се преброени 281 мртви, но се стравува дека под урнатините има уште жртви, така што бројката на загинати може да се искачи на речиси 300. Од средата вечер не е пронајден ниту еден преживеан, но властите велат дека ќе ја продолжат потрагата се додека не се дознае и судбината последниот исчезнат.

    crkva-amatrice

    Црквата во Аматриче

    Спасувачката мисија е отежната од повеќе последователни земјотреси, од кои едниот сериозно го оштетил и мостот кон Аматриче.

    Најголем број жртви има во Аматриче – 221, гратчето за кое што градоначалникот уште во првите моменти по земјотресот изјави дека „веќе не постои“.

    Градот Аматриче е речиси целосно разурнат

    Градот Аматриче е речиси целосно разурнат

    Денеска е прогласен Ден на жалост во Италија. Претседателот на Републиката Серџо Матарела и премиерот Матео Ренци ќе присуствуваат на погребите на жртвите. Покрај религиозната церемонија што ќе се одржи денеска во црква, за среда 31 август закажан е и нерелигиозен меморијал за 18 жртви од Аматриче.

    Во областа е прогласена вонредна состојба. Владата одобри 50 милиони евра помош за помош и повторна изградба на разурнатите гратчиња.

    Земјотресот се случи непосредно пред да се одржи Фестивалот на шпагетите „Ал Аматричана“ што беше закажан за на 27 и 28 август. 50. издание на фестивалот требаше да привлече многу туристи во гратчето познато како „родното место на пастата Аматричана.

    http://sdk.mk//index.php/svet/poznato-po-shpagetite-al-amatrichana-od-razurnatoto-amatriche-poteknuvaat-gotvachite-na-papite/

     

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира