Посредникот на ОН Метју Нимиц кажа дека денеска во Виена имал интензивна дискусија со македонскиот и грчкиот министер за надворешни работи, Никола Димитров и Никос Коѕијас, и дека преговорите за спорот за името ќе продолжат во наредните недели.
По тричасовната средба, Нимиц кусо искоментира дека двете страни се многу посветени на наоѓање решение.
„Ова беше интензивна дискусија. Двете страни се многу посветени на наоѓање решение, процесот ќе продолжи во наредните недели“, изјави Нимиц по средбата.
Димитров и Коѕијас беа присутни кога Нимиц ја даваше изјавата, но немаа коментар.
