ЗАЕВ ГО ПОКАНИ ЃОКОВИЌ ВО ОХРИД ОТКАКО ТОЈ ЈА ПЕЕШЕ МАКЕДОНСКО ДЕВОЈЧЕ НА ВИМБЛДОН

    ЗАЕВ ГО ПОКАНИ ЃОКОВИЌ ВО ОХРИД ОТКАКО ТОЈ ЈА ПЕЕШЕ МАКЕДОНСКО ДЕВОЈЧЕ НА ВИМБЛДОНПо натпревар на Вимблдон, за македонските фанови Ѓоковиќ ја пушти песната „Македонско девојче“, а додека пееше рече дека би сакал да го посети Охрид. (Фото: Фејсбук/Новак Ѓоковиќ)

    Премиерот Зоран Заев го покани српскиот тенисер Новак Ѓоковиќ во Охрид откако тој од Вимблдон ги поздрави македонските фанови пеејќи ја песната „Македонско девојче“.

    Ѓоковиќ по победата против Полјакот Хуберт Хуркач во третото коло на гренд слемот во Лондон, во видео во живо на Инстаграм ги поздравуваше своите фанови од целиот свет, пуштајќи и пеејќи песни познати во нивните земји. За македонските фанови Ѓоковиќ ја пушти песната „Македонско девојче“, а додека пееше рече дека би сакал да го посети Охрид.

    Премиерот Заев денеска преку порака на својот Фејсбук профил го покани Ѓоковиќ да биде гостин во нашата земја.

    „Драг Новак твојата изведба на преубавата Македонско девојче нè воодушеви сите во нашата земја. Прекрасно е чувството кога ас како тебе се обраќа со почит и љубов на нашиот македонски народ и на сите граѓани во Северна Македонија. Те чекаме во Охрид и Скопје и на сите други убави места, тука во нашиот мозаик од култури и вредности. Ти упатувам отворена покана во име на Владата и во име на нашите граѓани“, му пиша Заев на Ѓоковиќ.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира