Поради наноси на снег на патот сообраќајот се одвива отежнато на патниот правец Куманово – Крива Паланка и Велес – Штип, соопшти утрово Автомото сојузот на Македонија (АМСМ). На овие делници наизменично се пропуштаат возила.

Од утрово  регионалниот пат Кратово-Пробиштип е во прекин во двата правци за сите возила.

Од ноќеска повторно е воведена забрана за сообраќај на тешки товарни возила на патниот правец Велес – Катланово.

Се нормализира сообраќајот на патниот правец Свети Николе-Куманово. Остануваат на сила забраните за тешки товарни возила, соопшти АМСМ.