Сексуално преносливите болести на големо се шират низ Европа, со особен пораст на случаи на сифилис и гонореја, покажуваат најновите бројки објавени од Европскиот центар за превенција и контрола на болести.
Во 2023 имало речиси 100.000 потврдени случаи на гонореја во Европа, што претставува зголемување од 31 отсто во споредба со 2022, односно повеќе од 300 отсто во споредба со 2014.
Случаите на сифилис, исто така, продолжија да растат: во 2023 имало 40.000 потврдени случаи во Европа, што е зголемување од 13 проценти во споредба со 2022 и 100 проценти во споредба со 2014.
Додека кламидијата останува најчесто пријавувана бактериска сексуално пренослива болеста во Европа, нејзиното ширење сепак се успорува.
Порастот на ширењето може да се објасни со зголемениот број тестирања, рече ЕЦДЦ, но важен фактор е и помалата употреба на кондоми. Агенцијата минатата година предупреди на пад на употребата на кондоми кај тинејџерите во Европа, што го зголемува ризикот од сексуално преносливи инфекции и несакана бременост.
