Светиот синод на Бугарската православна црква – Бугарска патријаршија денеска ја призна Македонската православна црква – Охридска Архиепископија.

Во соопштението се вели дека светиот синод го поздравува подигнувањето на расколот и влегувањето во заедница со „Православната црква на Северна Македонија“. Прашањето за името на црквата ќе биде дополнително разгледано, додаваат од Бугарската патријаршија.

Признавањето е на барање на српскиот патријарх Порфириј и вселенскиот патријарх Вартоломеј.

На ова му претходеше подигнувањето на расколот од страна на Вселенската патријаршија од Истанбул и признавањето на самасостојноста од страна на Српската православна црква.