ДОНАТОР НА ДУИ КУПИЛ УКРАДЕНА МЕДИЦИНСКА ОПРЕМА ОД МАКЕДОНИЈА ЗА НЕГОВАТА КЛИНИКА ВО КОСОВО

    ДОНАТОР НА ДУИ КУПИЛ УКРАДЕНА МЕДИЦИНСКА ОПРЕМА ОД МАКЕДОНИЈА ЗА НЕГОВАТА КЛИНИКА ВО КОСОВОСоопштението на косовската полиција во врска украдената медицинска опрема од Македонија. (Фото: Фејсбук/принтскрин)

    Косовската полиција минатата недела го сослушала македонскиот бизнисмен Дритон Шуки во врска со украдена медицинска опрема од Македонија, објави „Радио Слободна Европа“. Шуки, кој во 2019 година донирал 32.000 евра на ДУИ, е сопственик на косовската поликлиника „Авицена КС“, која според истрагата на косовската полиција купила украдена медицинска опрема вредна 45.000 евра за 10.000 евра.

    Не е познато за каква медицинска опрема станува збор, ниту од каде конкретно е украдена.

    Шуки во изјава за косовските медиуми тврди дека бил повикан како сведок, а не како осомничен.

    Како што објави „Радио Слободна Европа“, во декември 2019 година Шуки станал член на Централниот одбор на ДУИ и истата година бил најголем донатор на партијата.

    Во 2020 година тој бил уапсен на граничниот пункт во Хани Елезит на косовско-македонската граница. Полицијата тогаш се сомневала дека неговата поликлиника незаконски правела ковид тестирања.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира