Над 800 учесници од земјава и Европа на 1 и 2 октомври ќе бидат дел од Дигиталниот самит кој ќе се одржи во Скопје во Музејот на современа уметност. Како главни теми на самитот ќе бидат сајбер-безбедноста и дигиталните услуги, но на самитот ќе се говори и за вештачката интелигенција.

Министерот за дигитална трансформација Стефан Андоновски вели дека оваа година самитот е малку реорганизиран, со тоа што ако порано бил само за функционери и членови на владите, сега и граѓаните, бизнис секторот, универзитетите, ќе може да присуствуваат и да ги слушаат говорниците.

„Главен интерес ќе ставиме на сајбер безбедноста, 3 панели ќе бидат посветени на неа, затоа што имаше голем интерес и од учесниците и од панелистите. Потоа, дигиталните услуги, ќе ја преставиме како што ветив македонската мобилна супер апликација, ќе разговараме за дигитален паричник, дигитален идентитет, интероперабилност, нови услуги, поврзување на институциите, иновации, вештачка интелигенција’’, вели Андоновски.