Две излезни анкети од денешните парламентарни избори во Бугарија покажаа дека партијата ГЕРБ на поранешниот премиер Бојко Борисов е во водство. Излезната анкета на „Алфа Рисрч“ вели дека ГЕРБ освоил 32,2 отсто од гласовите, а второпласирани се Социјалистите со 28 отсто. Според излезната анкета на „Галуп Интернешнл Балкан“, ГЕРБ освоил 32,8 отсто од гласовите, додека за Социјалисите гласале 28,4 отсто.
Централната изборна комисија соопшти дека излезноста на изборите до 17 часот била речиси 43 отсто, што зголемување во однос на претходните избори. Официјалните резултати се очекуваат утре и ако се потвдат резултатите на излезните анкети, Борисов по трет пат ќе го добие мандатот за формирање влада.