Најмалку седум експлозии и ниски прелети на авиони се слушнале утрово во Каракас, објави новинската агенција АП. Очевидци изјавија за агенцијата „Ројтерс“ дека слушнале авиони и гласни звуци и дека се гледа најмалку еден столб чад, а јужната област од градот, каде што се наоѓа воена база, останала без струја.

Засега нема коментар од владата на Венецуела.

Доналд Трамп вети дека ќе почне копнени операции во Венецуела откако американската војска во изминатите месеци напаѓаше бродови кои наводно превезуваат дрога и значително го засили своето присуство во Карибите, вршејќи огромен притисок врз претседателот Николас Мадуро.

Тој вчера изјави дека е отворен за разговори со САД.