Неколку луѓе се разболеле откако отвориле сомнителен пакет доставен во базата на Ер форс уан во Мериленд, која што е дом на авионот на претседателот на САД.

Портпаролот на базата „Ендрјус“ кажа дека зградата во која бил отворен пакетот била евакуирана, а оние кои се разболеле сега се во стабилна состојба. Си-Ен-Ен објави дека пакетот содржел неидентификуван бел прав.

Оваа база е дом на претседателскиот авион и на неговото придружно летало и претседателот најчесто оттука оди на патувања.

„Итните служби кои беа испратени на местото на настанот утврдија дека нема непосредни закани и базата продолжи со нормалното работење. Истрагата е во тек“, соопшти портпаролот на базата.

Првичните тестови не откриле ништо опасно, објави Си-Ен-Ен. Не е позната природата на болеста на оние кои биле во близина на пакетот кога бил отворен.