Неколку луѓе се повредени откако маж отворил оган во трамвај во холандскиот град Утрехт, објави полицијата.

На местото на инцидентот се итни служби, како и антитерористичка единица, а плоштадот во близина на трамвајска станица во западниот дел на градот е блокиран од полицијата.

„Маж почна да пука без контрола“, изјави еден сведок.

Пукањето се случило во 10.45 часот, по што бил запрен целиот трамвајски сообраќај во градот.