Златна зора го избрка од своите редови пратеникот Константинос Барбарусис, кој за време на парламентарната дебата за постигнатиот договор за името со Македонија, без знаење на партијата, ја повика грчката војска да го симне од власта премиерот Алексис Ципрас.

Обраќајќи се од парламентарната говорница вчера, Барбарусис изјави дека војската би требала да ги уапси премиерот Ципрас, министерот за одбрана Панос Каменос и претседателот Прокопис Павлопулос, пред да направат предавство со потпишувањето на договорот за решавање на спорот за името. Овие зборови биле сфатени како повикување на пуч.

По ваквите изјави, претседателот на парламентот Никос Вуцис привремено ја суспендираше работата на Златна зора, така што ѝ забрани учество во следните сесии.

Властите најавија покренување истрага против Барбарусис, со цел да се утврди дали тој сторил кривично дело.

Со негово исклучување од членството, Златна зора сега има 15 пратеници во парламентот.