Кери Фишер, холивудската актерка која стана млада филмска ѕвезда како Принцезата Леја во „Ѕвездени војни“, умре денеска на 60 години по срцевиот удар што го доживеа на лет од Лондон до Лос Анџелес, потврди нејзината ќерка и публицист Били Лорд. Во петокот, Фишер беше пренесена од аеродромот во Лос Анџелес во болница, каде и почина.

Актерката беше во Лондон да ја промовира нејзината најнова книга „Принцезата дневничар“, базирана на дневниците што ги водела како 19-годишничка за време на снимањето на филмот „Ѕвездени војни“ од 1977 година, во кој ја играше Принцезата Леја, лидерот на бунтовниците.