Иранската револуционерна гарда (ИРГ) потврди дека во нападот во Бејрут во кој беше убиен лидерот на Хезболах, Хасан Насралах, загинал и иранскиот генерал Абас Нилфорушан, кој беше заменик-командир на операциите на гардата.

Иран претходно се закани дека смртта на Насралах нема да помине без казна, но притоа не беше спомната смртта на 58-годишниот Нилфорушан.

ИРГ го опиша Нилфорушан како нејзин воен советник во Либан, термин што Иран го користи за своите воени сили во регионот. Тој беше назначен за заменик-командир на операциите на ИРГ во 2019. Претходно бил заменик-командир на центарот во кој се обучуваат иранските паравоени единици Басиџ.

Се верува дека тој имал клучна улога во сузбивањето на антивладините протести во Иран.