Украина изведе напад со дронови врз цели во јужна Русија, при што тврди дека уништила шест авиони во воздушна база во регионот Ростов. Украински безбедносни извори кажаа дека притоа биле оштетени уште осум авиони, а 20 луѓе се убиени или повредени.

Базата „Морозовск“ е дом на авиони „су-27“ и „су-34“, што Русија ги користи за напади во Украина. Русија засега не ги коментираше тврдењата на Киев, но руски функционери кажаа дека Украина лансирала повеќе од 40 дронови кон овој пограничен регион.

Гувернерот на Ростов, Васили Голубев, изјави дека 600 домови останале без струја на неколку часа откако била погодена електрична станица и дека осуммина луѓе биле повредени од детонација на експлозивот што бил прикачен на еден паднат дрон.