Цените на земјоделските производи растат, граѓаните плаќаат сè поскапа храна, а државатa одвојува повеќе пари од буџетот за субвенционирање на земјоделското производство.Bo Македонија се увезува масло за јадење, домати, пиперки, краставици од Албанија, Турција, Србија, иако земјава пред три децении задоволуваше многу поголем пазар од два милиони жители. Министерот за земјоделство верува дека работите ќе се променат на подобро.
„Политиките на Владата ќе дадат плод за една производна година. Само така ќе можеме да ги мериме и споредуваме успесите, колку се произведувало, колку се произведува сега и да направиме разлика. Убеден сум дека ќе имаме зголемено произвoдство, можеби не во сите култури, но за важните, клучните, стратешките ќе има зголемување. Еве за тутунот годинава имаме откупено 24 милиони килограми, можеби и повеќе. Изминатите години падна на 14-15 милиони килограми.Така ќе биде и со винското грозје, пченицата“, кажа министерот Трипуновски, одговaрајќи на новинaрско прашање, при посетата на Велес.
Ланската година велешка Маслодајна како единствен производител на масло на јадење со преработка на сончоглед, есента откупи само 3.200 тони, што е најмало количество последните години. И покрај повеќето апели од фаабриката, ДДВ за сончогледот воведен есента 2023, да се намали од 10 на 5 отсто, нема одговор. Немат ниту земјоделците одгледувачи на сончоглед, кои лани есента побараа финансиски државата да ги поддржи со по 5 до 7 денари за килограм, поради лошата сушна година. Одговор од Министеството за земјоделство засега нема. Лани во февруари Владата позитивно одговори на истото барање и одобри по 5 денари за килограм сончоглед, предаден на преработувач.
За 33 години самостојна држава, загубивме два милиона овци, извезувавме милион јагниња, а сега се симнавме на 200.000. Bo 2000 година во Македонија имало 265 .000 говеда, а во 2023 година 148.000. Додека кај живината состојбата е драстично намалена, преполовена од 3,7 милиони на 1,7 милион.
П. ПЕЧКОВ
ПОГЛЕДНЕТЕ ГО ПОДКАСТОТ СО ЗЕМЈОДЕЛКАТА ЉУБИЦА ЏОНИЌ
СЛЕДЕТЕ ГО НАШИОТ ЈУТЈУБ КАНАЛ
