Доналд Трамп се закани дека ќе го тужи комичарот Тревор Ноа поради шегата со Џефри Епстин на церемонијата на доделување на музичките награди Греми.

„Песна на годината – тоа е Греми што секој музичар го сака, исто како што Трамп го сака Гренланд, што има смисла зашто островот на Епстин веќе го нема и му треба нов за да се дружи со Бил Клинтон“, кажа Ноа како водител на настанот.

Познато е дека Трамп со години бил соработник на Епстин, но тврди дека не знаел за неговите злосторства и дека се скарале околу 2004.

„Ќе му ги испратам на Ноа моите адвокати за да го тужат. Ноа рече неточно за мене дека Доналд Трамп и Бил Клинтон поминале време на островот Епстин. Не можам да зборувам во името на Бил, но никогаш не сум бил на островот Епстин, ниту блиску до него и до оваа лажна и клеветничка изјава никогаш не сум бил обвинет дека сум бил таму, дури ни од медиумите што шират лажни вести. Ноа е тотален губитник. Подготви се, ќе се забавувам со тебе“, порача Трамп.

Епстин го купил својот приватен остров во 1998 и неколку негови жртви рекле дека биле злоставувани таму. Нема индиции дека Трамп некогаш го посетил островот.