Двајца израелски војници добија по 30 дена затвор зашто скршиле статуа на Исус во Либан, што предизвика меѓународна осуда. Израелската војска кажа дека двајцата војници ќе бидат отстранети од борбена должност по истрагата.

Казни можат да добијат уште шестмина војници кои биле на местото на инцидентот, но не реагирале или не го пријавиле вандализмот.

Фотографиите од војник кој крши статуа на Исус со чекан во селото Дебел во јужен Либан се проширија низ интернет минатата недела. Премиерот Бенјамин Нетанјаху изјави дека е вџашен и тажен од тоа што се случи.

Војската кажа дека оштетената статуа била заменета со нова во координација со локалната заедница.

„Нашите операции во Либан се насочени исклучиво против Хезболах и други терористички групи, а не против либански цивили“, соопшти војската.