Штипскиот фудбалски репрезентативец Бојан Миовски го доби орденот „Свети Никола“, што веќе 13 години се доделува за Денот на градот, 19 Декември, на заслужни граѓани кои се родени или потекнуваат од Штип.

Според Комисијата за доделување на највисокото признание на Штип,  Миовски во последните неколку години е еден од главните репрезентативци на македонската фудбалска селекција и нејзин голгетер. Миовски кариерата ја започнал во Брегалница, потоа играл за Работнички, па во првата лига на Унгарија од каде заминува за Абердин, Шкотска, а денес е стандарден играч на шпанскиот прволигаш Џирона.

Во чест на 19 Декември, Општина Штип додели признанија „Свети Никола“ и на Територијалната противпожарна единица, на  компанијата „Енерџи солушн“,  на д-р Александар Митевски и на Одбојкарскиот клуб на Универзитетот „Гоце Делчев“ кој минатата сезона го освои купот на Македонија.

Т. ЈОВАНОВСКИ