Во Охрид во петокот беше направена најголемата шопска салата на светот. Тежи над  202 килограми, а се подготвуваше повеќе од десет часа.  Беа исечкани 80 килограми домати, 80 килограми краставици, 40 килограми  сирење и 20 килограми кромид.

За време на подготвувањето на салатата беа присутни сопственици на познати ресторани од земјава, како и добри познавачи на храна од Русија.

Подготовката ја следеше комисија на Гинис со претставници од од пет држави.

Охрид пред три години, за Денот на рибарите, се обиде да направи најголема рибина чорба на светот, но во Охрид не се појавија претставниците на Гинис.

Ова е втор обид градот да влезе во Гинисовата книга на рекорди преку подготвување на храна.

Досегашниот рекорд во шопска салата го држеше Бугарија, со 86 килограми во 2009-та година.

Д. Чубриќ