Гори зеленило и ниска вегетација над населбата Пинтија во Скопје, а активни се и пожарите во селата Мојанце и Долно Блаце.

Од Бригадата за противпожарна заштита велат дека пожарот во Пинтија избувнал околу 11.30 часот, сè уште е активен, а екипи на Пожарната работат на гаснење и спречување да се прошири.

„Активни пожари имаме и во скопските села Мојанце и Долно Блаце. Екипи на Пожарната интервенираат на трите локации. Апелираме до сите граѓани при посета на излетничките места и шумите да бидат внимателни со опушоците од цигари, палење оган на отворено, како и други активности кои можат да предизвикаат несакани пожари”, велат од скопската Пожарна.

А. АНТЕВСКА