„До крајот на годината недостигот на кадар во државното здравство ќе се решава со приватните специјализанти и од 30 заинтересирани, над 10 доктори од регионот ќе бидет примени во Клиничката болница во Штип“, рече министерот за здравство Арбен Таравари, кој денеска ја посети болницата.

Таравари кажа дека старата зграда е во лоша состојба и е иста како во 2017 кога првпат ја посетил.

„Од наредната година интезивно ќе продолжи изградбата на новата Клиничка болница во Штип, а дотогаш ќе се спроведат тендерите и ги повикувам сите заинтересирани компании да извршат увид на досега изграденото. Мој приоритет, покрај Штип, се и Клиничката болница во Тетово и Општата болница во Кичево, која почна да се гради во 1996 и сѐуште е карабина“,  рече Таравари.

Тој додаде дека од 2.500 вработени со договор за дело, над 1.000 ќе бидат примени до крајот на годината.

Директорот на Клиничката болница во Штип, д-р Владко Захариев, рече дека сите одделенија имаат недостиг од лекарски кадар и медицински сестри, а посебно недостигаат болничари и хигиеничари. Најголем недостиг има во одделенијата за анестезија, ортопедија и гинекологија и во интерното одделение.

Т. ЈОВАНОВСКИ