Гостиварската полиција привела жител на село Врапчиште кој се сомничи дека организирал борби со кучиња, што е забрането со закон. При претресот на просториите кои ги користел, полицијата пронашла пет кучиња од расите питбул и доберман, за кои се сомнева дека биле користени за борби.

„На 22.01.2025, врз основа на судска наредба, полициски службеници од ОВР Гостивар во содејство со полициски службеници од Одделот за криминалистичка полиција – Сектор за општ и насилен криминал извршиле претрес во простории кои ги користи С. А. (22) во Врапчиште, Гостиварско, а се сопственост на Ш. А. (20) од Врапчиште, кој се наоѓа надвор од државата, поради основано сомнение за сторено кривично дело Мачење животни. При претресот биле пронајдени четири кучиња – три од расата питбул и едно куче од расата доберман, кои биле користени за борби на кучиња. Со С. А. бил извршен службен разговор во полициска станица и по целосно документирање на случајот, против него ќе следува соодветна пријава“, се вели во соопштението испратено од СВР Тетово.

З. АНДОНОВ