Бајковно-магична е балетската претстава „Лебедово езеро“ на мраз во изведба на уметниците од Државниот балет на мраз од Санкт Петербург, што два дена со по две изведби го исполнува салонот на Македонската опера и балет. На лизгалки танцуваат балетски уметници, но и олимпијски прваци во лизагање кои за уметничкиот аспект на танчарската уметност се добро обучени од главниот кореограф некогашен првенец на театарот „Марински“ Константин Расадин.

Ансамблот е составен од 24 играчи, балетски уметници и олимписки, светски, европски шампиони во уметничко лизгање (Фото: СДК.МК)

Па така, од познатите балетски кореографии на класичното дело на Чајковски, во претставите на овој ансамбл кој постои од 1967 година, гледаме виртуози во изведби на елементи кои ги слушаме од ТВ преносите на уметничко лизгање, како пируети, аксл, двоен аксл, луп.

(Фото: Ѓ. Личовски)

Во публиката преовладуваат дами кои оддават почит на уметничкото лизгање, но и на балетот со своите најмлади, млади „балерини“ од семејствата.

Уметниците кои се спој на едни од најафирмираните  вредности на Русија, класичен балет и уметничко лизгање, по изведбите во Скопје се испраќани со долг и бурен аплауз.

(Фото: СДК.МК)

Куриозитет за овој театар кој настапува низ целиот свет е дека ги игра претставите на неколку тони мраз што самите го прават на сцените на кои ги изведуваат претставите.