Македонскиот народен театар (МНТ) и Турскиот театар во Скопје ги откажаа претставите за денес и утре, поради убиството на 14-годишната Вања Ѓорчевска и вознемиреноста на јавноста.

МНТ уште вчера ја откажа изведбата на претставата „Кец на десетка“, а откажана е и вечерашната изведба (5 декември) на „Животот е прекрасен“.

Турски театар соопшти дека ги откажува претставите „Домот на Куклата“ и „Слугинки“ кои требаше да бидат изведени вечерва (5 декември) и утревечер (6 декември). Турски театар е сместен во просториите на Театар Комедија.

„Авалон“ вчера објави дека концертот на српскиот музичар Бајага и неговиот бенд „Инструктори“, кој требаше да се одржи на 9 декември во салата „Јана Сандански“ во Скопје, е одложен за 23 декември.