Јирген Хабермас, еден од највлијателните современи филозофи во Германија, почина на 96 години. Хабермас почина денеска во баварскиот град Штарнберг, соопшти неговиот издавач „Зуркамп Верлаг“.

Хабермас се смета за еден од најзначајните европски интелектуалци на 20. век, неговите главни дела беа развиени во Франкфурт, каде што ја започна својата кариера во 1950-тите во Институтот за социјални истражувања под водство на филозофот Теодор В. Адорно.

Роден е во Диселдорф на 18 јуни 1929 година и студирал филозофија, психологија, германска книжевност и економија во Гетинген, Цирих и Бон. Неговата политичка анализа помогна да се обликува интелектуалната клима во Германија по Втората светска војна, почнувајќи со објавувањето на „Структурната трансформација на јавната сфера“ во 1962.
Неговото дело „Теоријата на комуникативното дејствување“, објавено во 1981, исто така се смета за едно од клучните филозофски дела.

Студиите на Хабермас често го испитуваа концептот на јавната сфера и ги истражуваа формите на дискурс што се најсоодветни за организирање на демократските општества.