7 РОДНИНИ СЕ ТЕПАЛЕ ВО ДВОР БЕЗ ДА ПРЕКРШАТ ПОЛИЦИСКИ ЧАС, ДВАЈЦА ТЕШКО ПОВРЕДЕНИ

    7 РОДНИНИ СЕ ТЕПАЛЕ ВО ДВОР БЕЗ ДА ПРЕКРШАТ ПОЛИЦИСКИ ЧАС, ДВАЈЦА ТЕШКО ПОВРЕДЕНИНеофицијално, се степале две домаќинства од исто семејство, кои подолго време биле во кавга и не збореле меѓу себе (Фото: СДК.МК)

    Во масовна тепачка на една фамилија од скопското село Кучевиште во петокот, две лица се тешко повредени и се однесени во клиничкиот центар „Мајка Тереза“.

    Со овој настан не е прекршен полицискиот час, ни изјавија од МВР.

    Според првичните информации, се работи за две семејства, роднини, кои живееле во ист двор на улицата „7“ во селото, а меѓу нив подолго време имало расправии и некомуницирање едни со други. Во петокот околу 18 часот во СВР Скопје било пријавено дека „по претходна расправија поради меѓусебна нетрпеливост, дошло до нарушување на јавниот ред и мир со физичка пресметка помеѓу М.Г.(29), С. Г(51) и М.Г.(63), од една страна, и М.Г.(74), С.Г.(47), В.Г.(42) и С.Г.(49), од друга страна, сите од с. Кучевиште, при што со тешки телесни повреди се здобиле М.Г.(74) и М.Г.(63)“.

    Според полицискиот билтен, презимињата на сите учесници почнуваат со иницијалот „Г“.

    Увид на местото на настанот извршила екипа од СВР Скопје и се преземаат мерки за расчистување на случајот.

    С. К. ДЕЛЕВСКА

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира