Алкалоид ќе исплати за 11,36 отсто поголема дивиденда во однос на минатата година, соопшти фармацевтската компанија.

На вчерашната седница на управниот одбор на Алкалоид беше донесена предлог-одлука, со која му се предлага на Собранието на акционери исплата на дивиденда за 2022 година во износ од 490 денари бруто, односно 441 денари нето по акција, што во однос на исплатената дивиденда по акција за претходната година од 440 денари бруто, односно 396 денари нето е поголема за 11,36 отсто.

Седницата на годишното Собрание на акционери на Друштвото ќе се одржи на 3 април 2023 година со почеток во 8 часот во деловните простории на Друштвото, Бул. Александар Македонски бр. 12, Скопје, Република Северна Македонија.

За исплатата на дивиденда и персонален данок на личен доход компанијата ќе издвои околу 700 милиони денари. Исплатата на дивидендата ќе започне од 17 мај 2023 година. Дивидендата ќе биде исплатена во готово на трансакциски сметки на акционерите.