Фармацевтската компанија „Алкалоид АД“ Скопје оствари позитивни финансиски резултати во периодот јануари – март 2017 година, соопшти компанијата.

Според податоците од неревидираниот единечен и неревидираниот консолидиран Биланс на успех за периодот јануари – март, продажбите достигнуваат 1.781.320.547 денари, што е за 11% повеќе во споредба со истиот период од минатата година.

Добивката пред финансиски трошоци, даноци и амортизација, која изнесува 342.090.242 денари, бележи зголемување од околу 12%, единечната нето добивка изнесува 203.498.490 денари и е зголемена за 9%.

Вкупните консолидирани продажби во првите три месеци достигнуваат 2.332.909.055 денари, што е за 10% повеќе во споредба со истиот период од минатата година.

Консолидираните продажби остварени на домашен пазар се зголемени за 11%, додека вкупниот консолидиран извоз на компанијата е зголемен за 9%. Од вкупните консолидирани продажби, 38% се остварени на домашен пазар, додека 62% се остварени на странски пазари. Гледано по региони, во земјите од Југоисточна Европа се остварени 30%, во Русија и другите земји од ЗНД се остварени 8%, во земјите од Западна Европа (ЕУ и ЕФТА) се остварени 23% и на останатите пазари се остварени 1% од вкупните консолидирани продажби.

Во истиот период реализирани се 30 нови вработувања, соопшти „Алкалоид“.