Граѓаните ќе можат да достават барање за легализација на дивоградбите до крајот на 2018 година. Оние пак кои веќе поднеле вакво барање, а не доставиле елаборат тоа ќе можат да го сторат до јули 2018. Право за легализација имаа сопствениците на објекти кои се изградени до 3 март, 2011. Објектите кои се изградни од тогаш, а немаат добиено одобрение за градба, ќе имаат статус на дивоградби.
Владата на денешната седница донесе одлука за измена и дополување Законот за легализација на бесправно изградени објекти, со кои се продолжувам рокот за легализација на дивоградбите.
„Од теренската анализа и контактите со граѓаните заклучивме дека голем е бројот на оние кои сè уште го немаат остварено ова право. Досега легализирани се околу 40 отсто од бројот на дивоградби. Затоа, решивме да им излеземе во пресрет на граѓаните и да им дадеме дополнител рок. Се надевам дека политичките партии во Собранието, ќе ги поддржат овие измени“, рече министерот за транспорт и врски Горан Сугаревски.
Според постојниот Закон, рокот за поднесување барање и елаборат за легализација беше до крајот На оваа година.
