Државниот инспекторат за животна средина веќе месец и половина е без директор. Според објавата во Службен Весник, со одлука на Владата, донесена на седницата на 5 октомври, досегашниот директор на Државниот инспекторат за животна средина Фирус Мемед е разрешен од оваа функција, а на истата седница на Владата донесена е одлука со која тој се именува за заменик директор на Агенцијата за храна.

Решенијата на Владата со кои директорот Фирус Мехмед се разрешува од директорската позиција во Државниот инспекторат за животна средина и се именува за заменик директор во Агенцијата за храна и ветеринарство.

Неофицијално, вработените во Државниот инспекторат за животна средина велат дека досегашниот директор е разрешен бидејќи му истекол мандатот, а потоа е префрлен во Агенцијата за храна. Мемед два мандати по ред беше директор на Државниот инспекторат за животна средина. Во меѓувреме нов директор не е именуван.
Инспекторот Хусни Тачи, кој и досега работеше во Државниот инспекторат за животна средина, со овластување од Министерот за животна средина Башким Амети е овластен да ги извршува работите од инспекцискиот надзор.

Е. БОЧВАРОСКА