Грчката авиокомпанија „Ејџиан Ерлајнс“ од 1 јуни ќе почне сезонски да лета од Скопје до островот Крф.

Со авиони АТР-72, „Ејџиан“ преку регионалниот бренд „Олимпик Ер“ ќе лета двапати неделно, вторник и сабота од македонската престолнина до популарната туристичка дестинација во Јонското море.

На веб сајтот на „Ејџиан“ веќе можат да се купат карти за овој лет, со почетна цена од околу 130 евра за еден правец. Планот е овој лет да биде одржуван до 28 септември.

„Ејџиан“ веќе лета од Скопје за Атина секој ден и за Сараево трипати неделно.