Деведесет пријави за нерегуларности во здравствените установи стигнале во Министерството за здравство, кажа денеска министерот за здравство Азир Алиу. Од нив 60 се процесирани, а само две се информации кои имаат индиции, за кои ќе се разговара со институциите. Пријавите стигнуваат преку алатката на официјалната страница на Министерството за здравство за пријавување на неправилности.
„Од 9о-те пријавени, најголем дел се од Скопје, има и по 1-2 од другите градови. Има поплаки и за здравствениот и за приватниот сектор. Тоа не се индикации за финансиска злоупотреба, туку за недоволно оптимизирање на услугите, односно за долго чекање. Злоупотреба на тој ред кој граѓаните сакаат да го имаат. Дошле на време за да добијат некоја услуга, а ја добиле после неколку часа. Сакам да потенцирам дека пријавите не остануваат во фиока. Секоја се разгледува посебно, со цел да има институционална реакција. Заврши времето кога се игнорираа здравствените проблеми“, рече Алиу на денешната прес-конференција.
- ЏАБЕ СКРИНИНГ ЗА РАК НА ДОЈКА И НА ГРЛО НА МАТКА КОГА РЕЗУЛТАТИТЕ МНОГУ ДОЦНАТ ИЛИ ВООПШТО ГИ НЕМА, ВЕЛИ ДРЖАВНИОТ ЗАВОД ЗА РЕВИЗИЈА
- ГРАЃАНИТЕ ПРИЈАВУВААТ ДЕКА ЗДРАВСТВЕНИ РАБОТНИЦИ ИМ БАРААТ МИТО, НО ДАЈТЕ НИ НЕДЕЛА-ДВЕ ДА ГИ ПРОВЕРИМЕ, РЕЧЕ МИНИСТЕРОТ АЛИУ
Б. НЕСТОРОСКА
