ХУМАНИТАРНА ТРКА НА ДЕЦАТА СО ДАУНОВ СИНДРОМ, В ПОНЕДЕЛНИК ОБЛЕЧЕТЕ ШАРЕНИ ЧОРАПИ

    ХУМАНИТАРНА ТРКА НА ДЕЦАТА СО ДАУНОВ СИНДРОМ, В ПОНЕДЕЛНИК ОБЛЕЧЕТЕ ШАРЕНИ ЧОРАПИ

    Хуманитарна трка за лицата со Даунов синдром се одржа денеска во Градскиот парк во Скопје. На трката учествуваа деца со Даунов синдром, нивните семејства и пријатели, но им се придружија и стотина граѓани кои за котизација од 200 денари истрчаа еден километар низ Градскиот парк.

    Трката беше организирана по повод Светскиот ден на лицата со Даунов синдром 21 март.

    Ова е почеток на низата активности што Центарот за Даунов синдром ги прави за подигање на јавната свест за односот кон лицата со Даунов синдром во Македонија.

    В понеделник на оваа тема во Кинотекатата на Македонија во Скопје ќе бидат промовирани неколку кратки видео записи и ќе се отвори изложбата фотографии „Нераскажани приказни“ на фоторепортерот Огнен Теофиловски.

    Ќе биде презентирано и видеото на УНИЦЕФ во кое се јавува фармацевтскиот техничар со Даунов синдром Нина Костова.

    Организаторот ги повикува сите што ќе дојдат в понеделник да облечат шарени чорапи и да излакираат шарени нокти за да покажат солидарност со лицата со Даунов синдром.

    Годинашниот Светски ден на лицата со Даунов синдром се одбележува под мотото #MyVoiceMyCommunity – оспособување на луѓето со Даунов синдром да проговорат, да бидат чуени и да влијаат на владините политики и дејствувања, да бидат целосно вклучени во заедницата.

     

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира