Судењето на новинарот и бизнисмен Драган Павловиќ -Латас, обвинет од СЈО за криење данок кон државата, денеска не почна, зашто обвинетиот не дојде. Како што кажа судијата Славица Наумовска -Јосифовска, обвинетиот не дошол на судењето за „Тотал“, поради лични и семејни причини, за што доставил до судот документација од клиника во Келн. Доказот се читаше без јавност во судницата. Судењето е закажано за 31 март.

Предметот „Тотал“ е за даночно затајување против Латас како сопственик на фирмите „Тотал маркетинг“ ДООЕЛ и „Тотал медиа центар“ ДООЕЛ. Обвинетиот се товари дека за даночните години од 2008 до 2015, со намера тој и правните лица да одбегнат плаќање даноци во завршните сметки и даночните пријави давал лажни податоци. Според СЈО, правните лица го оштетиле буџетот за 121 илјади евра, а физичкото лице за 63 илјади евра.

С. К. ДЕЛЕВСКА