Министерот за здравство Азир Алиу назначи нови в. д. директори во четири клиники на скопскиот Клинички центар, кои се на функција од вчера.
Министерството за здравство соопшти дека на Клиниката за токсикологија за в. д. директор е именуван д-р Арѓенд Имери, на местото на д-р Андон Чибишев, а на Институтот за клиничка биохемија за в. д. директорка е именувана д-р Мимоза Бафќари-Бакији на местото на д-р Николина Граздановска.
За директорка на Клиниката за кардиологија е именувана д-р Даница Петкоска-Спирова, на местото на д-р Беким Поцеста.
На местото на Фатмир Меџити, за директор на Клиниката за неврологија е назначен д-р Игор Кузмановски. Меџити во 2024 беше 11 месеци министер за здравство како кадар на Алијанса за Албанците.
