СЈО води седум истражни постапки во кои се опфатени 60 лица, извести денеска специјалната обвинителка Ленче Ристовска. Голем дел од тие постапки се фокусирани на финансиски истраги.

Таа рече дека уште чекаат одговор од претседателот Иванов од каде му се податоците за лицата кои ги помилуваше на 12 април. СЈО два пати има побарано одговор од Кабинетот на претседателот.

Специјалното обвинителство има примено 540.646 записи на прислушувани разговори. Обвинителката Ленче Ристовски рече дека на 11 обвинители ќе им требаат годинаипол само да ги преслушаат материјалите.