Со заем од 21 милион евра од Европската банка за обнова и развој (ЕОР) ќе се купат пет нови електрични локомотиви. Договорот за заем денеска го потпишаа министерот за транспорт и врски Александар Николоски, министерката за финансии Гордана Димитриеска-Кочоска и директотот на МЖ Транспорт, Дејан Кошутиќ.

Од постојните 11 локомотиви со кои располага МЖ Транспорт, четири се понови, а седум се постари.

„Со новата флота од пет локомотиви и постојните четири кои се понови, ќе располагаме со девет модерни локомотиви кои ќе можат целосно да го покријат карго-превозот, а дел од нив да се користат и во патничкиот сообраќај“, изјави министерот Николоски.

Николоски кажа дека до март треба да биде објавен јавниот повик за новите локомотиви.